വാരഫലം 2017   ഫെബ്രുവരി  20 മുതല്‍ 26 വരെ   

വാരഫലം 2017   ഫെബ്രുവരി  20 മുതല്‍ 26 വരെ   

varaphalam
         
മേടക്കൂര്‍ (അശ്വതിഭരണികാര്‍ത്തിക 1/4)
മന:സമ്മര്‍ദം അല്പം വര്‍ദ്ധിക്കാവുന്ന വാരമാണ്. തൊഴിലില്‍ മേലധികാരികളുടെ അപ്രീതിക്ക് പാത്രമാകാന്‍ ഇടയുണ്ട്. വാക്കുകള്‍ തെറ്റിദ്ധരിക്കപ്പെടാന്‍ ഇടയുള്ളതിനാല്‍  സംസാരം വിവേക പൂര്‍വമാകാന്‍ ശ്രദ്ധിക്കണം. മാതാവിനോ മാതൃ ബന്ധുക്കള്‍ക്കോ ആരോഗ്യ പ്രശ്നങ്ങള്‍ വരാന്‍ ഇടയുണ്ട്. വ്യാപാര കാര്യങ്ങളില്‍ നല്ല അനുഭവങ്ങള്‍ പ്രതീക്ഷിക്കാം. ഭൂമി ഇടപാടുകള്‍ മൂലം ലാഭം പ്രതീക്ഷിക്കാം.
ദോഷപരിഹാരം: ശാസ്താവിനു നീരാഞ്ജനം, വിഷ്ണുവിന് നെയ്‌ വിളക്ക് .
ഇടവക്കൂര്‍ (കാര്‍ത്തിക 3/4, രോഹിണിമകയിരം1/2)
സാമ്പത്തികമായും കുടുംബപരമായും നല്ല അനുഭവങ്ങള്‍ പ്രതീക്ഷിക്കാവുന്ന വാരമാണ്. രോഗാദി കാര്യങ്ങള്‍ക്ക് ശമനം ഉണ്ടാകും. കുടുംബസമേതം സമയം ചിലവഴിക്കാന്‍ കഴിയും. പല പ്രശ്നങ്ങള്‍ക്കും സ്ഥായിയായ പരിഹാരം ഉണ്ടാകും. യാത്രകള്‍ ധാരാളം ആവശ്യമായി വരും.
ദോഷ പരിഹാരം : ശിവന് ജലധാര, പുറകു വിളക്ക്, ശാസ്താവിനു  നെയ്‌ അഭിഷേകം.
മിഥുനക്കൂര്‍ (മകയിരം 1/2, തിരുവാതിരപുണര്‍തം3/4)
പുതിയ സംരംഭങ്ങള്‍ ആരംഭിക്കുവാനുള്ള ശ്രമങ്ങള്‍ വിജയത്തില്‍ എത്തും. കുടുംബത്തില്‍ സുഖവും സമാധാനവും നിലനില്‍ക്കും. സമൂഹ മധ്യത്തില്‍ അംഗീകാരം പ്രതീക്ഷിക്കാം. വാഹനമോ ഗൃഹോപകരണങ്ങളോ സ്വന്തമാക്കാന്‍ കഴിയും. സാമ്പത്തികമായി നല്ല അനുഭവങ്ങള്‍ പ്രതീക്ഷിക്കാം. സന്താനങ്ങളുടെ നേട്ടങ്ങളില്‍ അഭിമാനിക്കാന്‍ ഇടവരും.
ദോഷ പരിഹാരം : സുബ്രഹ്മണ്യന്  പഞ്ചാമൃത നിവേദ്യം, ശിവന് ജലധാര.
കര്‍ക്കിടകക്കൂര്‍ (പുണര്‍തം1/4, പൂയംആയില്യം)
പല കാര്യങ്ങള്‍ക്കും പതിവിലും അധികം അധ്വാനം വേണ്ടിവരും. പ്രവര്‍ത്തനങ്ങളില്‍ പ്രാരംഭതടസ്സം വരാന്‍ ഇടയുണ്ട്. വാരാന്ത്യത്തില്‍ കര്‍മ തടസ്സത്തിനു കുറവുണ്ടാകും. ഭാഗ്യാനുഭവങ്ങള്‍ വര്‍ധിക്കും. പിതാവിനോ പിതൃ ബന്ധുക്കള്‍ക്കോ അനാരോഗ്യം വരാന്‍ സാധ്യതയുണ്ട്. സഹപ്രവര്‍ത്തകര്‍ മൂലം സഹായങ്ങള്‍ ലഭിക്കും. ഭാഗ്യാനുഭവങ്ങള്‍ ഉണ്ടാകാന്‍ ഇടയുണ്ട് .
ദോഷപരിഹാരം: വിഷ്ണുവിനു ഭാഗ്യസൂക്തം, ശിവന് കൂവളമാല . 

Maha-Shivaratri

ചിങ്ങക്കൂര്‍ (മകംപൂരംഉത്രം 1/4)
തൊഴില്‍ പരമായ വിഷയങ്ങളില്‍ അല്പം അനിഷ്ടകരമായ അനുഭവങ്ങള്‍ ഉണ്ടായെന്നു വരാം. മേലധികാരികളും സഹ പ്രവര്‍ത്തകരും സഹകരണം കാണിക്കണം എന്നില്ല. രക്ത സമ്മര്‍ദ സംബന്ധമായ ക്ലേശങ്ങള്‍ ഉള്ളവര്‍ കരുതല്‍ പുലര്‍ത്തണം. പ്രാര്‍ത്ഥനയിലും ഉപാസനയിലും ഭംഗം വരാന്‍ സാധ്യതയുണ്ട്. ജീവിത പങ്കാളിയില്‍ നിന്നും ആശ്വാസകരമായ പെരുമാറ്റം ഉണ്ടാകും. അപേക്ഷകളിന്മേല്‍ തീരുമാനം വൈകും.
ദോഷപരിഹാരം:  ശാസ്താവിനു നീരാഞ്ജനം, ഭഗവതിക്ക് പായസ നിവേദ്യം.
 കന്നിക്കൂര്‍ (ഉത്രം 3/4, അത്തംചിത്തിര 1/2)
പല ആഗ്രഹങ്ങളും ഉദ്ദേശിച്ച വിധത്തില്‍ സാധിപ്പിക്കുവാന്‍ കഴിയും. പ്രവര്‍ത്തന രംഗത്ത് മികവും അംഗീകാരവും ലഭിക്കും. വായ്പകള്‍, നിക്ഷേപങ്ങള്‍ മുതലായവ വേഗത്തില്‍ ലഭ്യമാകും. വിദ്യാര്‍ഥികള്‍ക്ക് മികച്ച പഠന സാഹചര്യങ്ങള്‍ ലഭ്യമാകും. കുടുംബപരമായ ക്ലേശങ്ങള്‍ക്ക് പരിഹാരം പ്രതീക്ഷിക്കാം. ബന്ധു-സുഹൃത്ത് സമാഗമത്തിന് അവസരം ലഭിക്കും. ആഗ്രഹിച്ച ദേവാലയ ദര്‍ശനം സാധ്യമാകും.
ദോഷപരിഹാരം: ശിവന് ജലധാര, വിഷ്ണുവിന് ഭാഗ്യസൂക്തം.
Lakshmi vinayaka
തുലാക്കൂര്‍ (ചിത്തിര 1/2, ചോതിവിശാഖം 3/4)
ഗുണദോഷ സമ്മിശ്രമായ അനുഭവങ്ങള്‍ പ്രതീക്ഷിക്കാവുന്ന വാരമാണ്. വ്യാപാരത്തില്‍ നിന്ന് അപ്രതീക്ഷിത ലാഭം വരാന്‍ ഇടയുണ്ട്. വിദേശത്ത് ജോലി ചെയ്യുന്നവര്‍ക്ക് തൊഴില്‍ നേട്ടം പ്രതീക്ഷിക്കാം. ആരോഗ്യപരമായി വാരം അനുകൂലമാണ്. വാരാന്ത്യത്തില്‍ പല സംഗതികള്‍ക്കും അനാവശ്യ തടസ്സങ്ങള്‍ നേരിട്ടെന്നു വരാം.
ദോഷപരിഹാരം: മഹാവിഷ്ണുവിന് തുളസിമാല, ഗണപതിക്ക് മോദകം.
വൃശ്ചികക്കൂര്‍ (വിശാഖം1/4, അനിഴംതൃക്കേട്ട)
സാമ്പത്തികമായി ദീര്‍ഘകാല പദ്ധതികളില്‍ പണം മുടക്കുന്നത് ഗുണം ചെയ്യാനിടയില്ല. തൊഴിലില്‍ നിന്നും പ്രതീക്ഷിച്ച അംഗീകാരം ലഭിക്കാത്തതില്‍ വിഷമം തോന്നും. കുടുംബാംഗങ്ങള്‍ക്ക് ആരോഗ്യ ക്ലേശങ്ങള്‍ക്ക് സാധ്യത കാണുന്നു. അലച്ചില്‍ വര്‍ധിക്കും. ദാമ്പത്യ പരമായി സംതൃപ്തമായ അനുഭവങ്ങള്‍ പ്രതീക്ഷിക്കാം. അവിവാഹിതര്‍ക്ക് അനുകൂല വിവാഹ ബന്ധങ്ങള്‍ വന്നു ചേരും. 
ദോഷ പരിഹാരം :  ശാസ്താവിനു  എള്ള്പായസം, ശിവന് രുദ്രാഭിഷേകം.
ധനുക്കൂര്‍ (മൂലംപൂരാടംഉത്രാടം 1/4)
പല കാര്യങ്ങളിലും ഭാഗ്യവും ദൈവാധീനവും കുറയുന്നതായി അനുഭവപ്പെടും. കര്‍മ രംഗത്ത് വേണ്ടത്ര മാനിക്കപ്പെടാത്തത്തില്‍ നൈരാശ്യം തോന്നും. കുടുംബത്തില്‍ സുഖകരമായ അന്തരീക്ഷം നിലനില്‍ക്കും. മംഗള കര്‍മങ്ങളില്‍ പങ്കെടുക്കുവാന്‍ അവസരം ലഭിക്കും. സന്താനഗുണം പ്രതീക്ഷിക്കാം. വാരാന്ത്യത്തില്‍ ആനുകൂല്യം വര്‍ധിക്കാന്‍ ഇടയുണ്ട്.
ദോഷ പരിഹാരം: ശ്രീകൃഷ്ണന് രാജഗോപാല മന്ത്രാര്‍ച്ചന, ശിവന് ജലധാര.
മകരക്കൂര്‍ (ഉത്രാടം 3/4, തിരുവോണംഅവിട്ടം1/2)
പ്രവര്‍ത്തന തടസ്സം, മാര്‍ഗ ക്ലേശം എന്നിവയ്ക്ക് ഇടയുള്ള വാരമാണ്. ശരീരത്തില്‍ മുറിവ്, ക്ഷതം മുതലായവ വരാതെ ശ്രദ്ധിക്കണം. യാത്രാ വേളകളില്‍ ഭക്ഷ്യ വിഷബാധ ഏല്‍ക്കാതെ കരുതണം. ആഗ്രഹിച്ച സമയത്ത് സഹായങ്ങള്‍ ലഭ്യമാകണം എന്നില്ല. പഴയ നിക്ഷേപങ്ങളില്‍ നിന്നും വരുമാനം ലഭിച്ചു തുടങ്ങും. 
ദോഷപരിഹാരം: സുബ്രഹ്മണ്യന് കുമാരസൂക്തം, ശിവന്  കൂവളമാല.

കുംഭക്കൂര്‍ (അവിട്ടം 1/2, ചതയംപൂരൂരുട്ടാതി3/4)
കര്‍മ രംഗത്ത് അപ്രതീക്ഷിത പുരോഗതി ദൃശ്യമാകും. സാമുദായിക അംഗീകാരം ലഭിക്കും. വിദ്യാര്‍ഥികള്‍ക്ക് മികച്ച പരീക്ഷാ വിജയം ഉണ്ടാകും. കുടുംബപരമായ ക്ലേശങ്ങള്‍ക്ക് നിവൃത്തി മാര്‍ഗങ്ങള്‍ ഉണ്ടാകും. ആഗ്രഹ സാധ്യത്തിനായി അശ്രാന്ത പരിശ്രമം വേണ്ടി വരും. പല പ്രതിസന്ധികളെയും ആത്മ വിശ്വാസം നിറഞ്ഞ പ്രവര്‍ത്തനങ്ങളാല്‍ അതിജീവിക്കും.
 
ദോഷപരിഹാരം: വിഷ്ണുവിന് നെയ്‌വിളക്ക്, ശാസ്താവിന് നെയ്‌ അഭിഷേകം.
മീനക്കൂര്‍ (പൂരൂരുട്ടാതി1/4, ഉത്രട്ടാതിരേവതി)
പല ആഗ്രഹങ്ങളും നിഷ്പ്രയാസം സാധിപ്പിക്കുവാന്‍ കഴിയും. അപ്രതീക്ഷിത കോണുകളില്‍ നിന്ന് പോലും സഹായങ്ങള്‍ ലഭിക്കും. കുടുംബാന്തരീക്ഷം സമാധാനം നിറഞ്ഞതാകും. വാഹന ഉപയോഗ വേളയില്‍ ജാഗ്രത പുലര്‍ത്തണം. ആത്മീയ പ്രവര്‍ത്തനങ്ങള്‍ക്ക് നേതൃത്വം വഹിക്കും. മറ്റുള്ളവരെ സഹായിക്കുവാന്‍ സാധിക്കും.
ദോഷപരിഹാരം: ഹനുമാന്‍ സ്വാമിക്ക് വെണ്ണ, ഗണപതിക്ക് ഉണ്ണിയപ്പം .