വാരഫലം ( 2019 ഒക്ടോബർ  07 മുതല്‍ 13 വരെ)

വാരഫലം ( 2019 ഒക്ടോബർ  07 മുതല്‍ 13 വരെ)

varaphalam

medam

 

അശ്വതി, ഭരണി,കാര്‍ത്തിക 1/4

 

തൊഴില്‍ ക്ലേശങ്ങള്‍ക്ക് പരിഹാരം കണ്ടെത്തും. മനസ്സിന് സുഖവും സമാധാനവും ലഭിക്കുന്ന അനുഭവങ്ങള്‍ പ്രതീക്ഷിക്കാം. ഒഴിവ്സമയം ഉല്ലാസകരമായി ചിലവഴിക്കാന്‍ കഴിയും. മത്സരങ്ങള്‍, ഭാഗ്യപരീക്ഷണങ്ങള്‍  എന്നിവയില്‍ വിജയം പ്രതീക്ഷിക്കാം. പല കാര്യങ്ങളിലും സുഹൃത്ത് സഹായം നിര്‍ണ്ണായകമായി ഭവിക്കും. കുടുംബ സ്വസ്ഥത നിലനിര്‍ത്താന്‍ കഴിയും. ജന്മ ഗൃഹത്തിൽ നിന്നും അകന്നു കഴിയേണ്ട സാഹചര്യങ്ങൾ വരാവുന്നതാണ്. വീഴ്ചകൾക്ക് സാധ്യതയുള്ളതിനാൽ വാഹന ഉപയോഗവും മറ്റും ജാഗ്രതയോടെ ആകണം.

ദോഷപരിഹാരം:  വിഷ്ണുവിന് ഭാഗ്യസൂക്തം, പാല്‍പായസം. വ്യാഴാഴ്ച വ്രതം അനുഷ്ടിക്കുക.


edavam

 

കാര്‍ത്തിക 3/4, രോഹിണി, മകയിരം1/2 

 

അധികാരികൾ മേൽ ഉദ്യോഗസ്ഥർ എന്നിവരുടെ പ്രീതി സമ്പാദിക്കാൻ കഴിയും. തൊഴിൽ അന്വേഷിക്കുന്ന അഭ്യസ്തവിദ്യർക്ക് സർക്കാർ ജോലി ലഭിക്കാൻ ഇടയുണ്ട്. പൊതുവിൽ ആത്മ വിശ്വാസം വർധിക്കും. മനസ്സിന് സുഖം നൽകുന്ന വാർത്തകൾ വാരാന്ത്യത്തിൽ കേൾക്കാൻ കഴിയും.ഊഹക്കച്ചവടം, വിവാദങ്ങള്‍ മുതലായവയില്‍ നിന്നും കഴിവതും ഒഴിഞ്ഞുനില്‍ക്കുക. വിദ്യാര്‍ത്ഥികള്‍ക്ക് വാരം അനുകൂലമാണ്. ആരോഗ്യം ത്രുപ്തികരമാകും. വാഗ്ദാനം ചെയ്യപ്പെട്ട സാമ്പത്തിക സഹായം ലഭിക്കുവാന്‍ കാല താമസം നേരിടാന്‍ ഇടയുണ്ട്.

ദോഷപരിഹാരം: ഭഗവതിക്ക് കഠിന പായസം, ത്രിശതി അർച്ചന


midhunam

 

മകയിരം 1/2, തിരുവാതിര, പുണര്‍തം  3/4

 

പലവിധ സാമ്പത്തിക നേട്ടങ്ങള്‍ക്ക് സാധ്യതയുള്ള വാരമാണ്. വിദ്യാര്‍ത്ഥികള്‍ക്ക് പരീക്ഷകിലും മറ്റും മെച്ചപ്പെട്ട വിജയം സ്വന്തമാക്കാന്‍ കഴിയും. വിദേശയാത്ര ആഗ്രഹിക്കുന്നവര്‍ക്ക് ആഗ്രഹ സാഫല്യം ഉണ്ടാകും. വാരാന്ത്യത്തില്‍ ചില അപ്രതീക്ഷിത നേട്ടങ്ങള്‍ സ്വന്തമാക്കാന്‍ കഴിയും. പല അപകടങ്ങളില്‍ നിന്നും അത്ഭുതകരമായി രക്ഷ നേടും. ശത്രു ശല്യം നേരിടേണ്ടി വരുമെങ്കിലും കര്‍മ്മരംഗം പുഷ്ടിപ്രാപിക്കും. ഗൃഹസ്വസ്ഥത അല്പം കുറയാന്‍ ഇടയുള്ള വാരമാണ്.

ദോഷപരിഹാരം: വിഷ്ണുവിന് പാല്‍പായസം, ശാസ്താവിനു നീരാഞ്ജനം.


 

Click here for your Pooja


karkidakam

 

 

പുണര്‍തം 1/4, പൂയം, ആയില്യം.

സുഹൃത്തുക്കള്‍, ബന്ധുക്കള്‍ മുതലായവരുമായി നിലനിന്നിരുന്ന തര്‍ക്കങ്ങള്‍ രമ്യമായി പരിഹരിക്കാന്‍ കഴിയും. തൊഴില്‍ അന്വേഷകര്‍ക്ക് പുതിയ അവസരങ്ങള്‍ ലഭിക്കും. മുന്‍കോപം നിയന്ത്രിച്ചില്ലെങ്കില്‍ പലവിധ ബുദ്ധിമ്മുട്ടുകളും നേരിടേണ്ടി വരും. അസമയത്തും അനാവശ്യവുമായ യാത്രകള്‍ ഈ വാരത്തില്‍ കഴിവതും ഒഴിവാക്കാന്‍ ശ്രമിക്കണം. സന്തോഷകരമായ വാര്‍ത്തകള്‍ കേള്‍ക്കാന്‍ അവസരം ഉണ്ടാകും.  കൂട്ടുസംരംഭങ്ങള്‍ ആരംഭിക്കാനുള്ള ആലോചനയില്‍ നിന്നും പിന്മാറും. ഊഹ കച്ചവടത്തിനും ഭാഗ്യ പരീക്ഷണത്തിനും വാരം അനുകൂലമല്ല. 

ദോഷപരിഹാരം:  ശാസ്താവിന് നീരാഞ്ജനം, ശാസ്തൃ സൂക്തപുഷ്പാഞ്ജലി.   


.


chingamമകം, പൂരം, ഉത്രം 1/4   

മതിയായ തയ്യാറെടുപ്പുകള്‍ ഇല്ലാതെ പ്രധാന പ്രവര്‍ത്തനങ്ങളില്‍ ഏര്‍പ്പെടുന്നത് തൊഴില്‍ വൈഷമ്യത്തിനു കാരണമായേക്കാം. സാമ്പത്തിക ഇടപാടുകള്‍ കൂടുതല്‍ ഗൌരവമായി നിര്‍വഹിക്കണം. വിദ്യാര്‍ത്ഥികള്‍ക്ക് ഗവേഷണസംബന്ധമായ കാര്യങ്ങളില്‍ വിജയാനുഭവങ്ങള്‍ ഉണ്ടാകും. സ്ഥലംമാറ്റത്തിന് ശ്രമിക്കുന്നവര്‍ക്ക് നാട്ടിലേക്ക് സ്ഥാനമാറ്റം ലഭിക്കും. ഭാവിയെ കരുതി പുതിയ ചില സാമ്പത്തിക പദ്ധതികളില്‍ പണം മുടക്കാന്‍ തീരുമാനിക്കും. ദീര്‍ഘകാല രോഗങ്ങള്‍ ഉള്ളവര്‍ വൈദ്യോപദേശം കര്‍ശനമായി പിന്തുടരുക. പൊതു നന്മയെ കരുതി പല വിട്ടുവീഴ്ചകളും ചെയ്യേണ്ടി വരും. 

ദോഷപരിഹാരം: ഭദ്ര കാളിക്ക് രക്ത പുഷ്പാഞ്ജലി, കഠിനപ്പായസ നിവേദ്യം.

kanni

 

ഉത്രം 3/4, അത്തം, ചിത്തിര 1/2

പ്രവര്‍ത്തന രംഗത്തെ പരിശ്രമങ്ങള്‍ക്ക് ഉന്നതരില്‍ നിന്നും അഭിനന്ദനം ലഭിക്കും. പൊതു പ്രവര്‍ത്തകര്‍ക്ക് അംഗീകാരവും സ്വീകാര്യതയും വര്‍ധിക്കും. ദാമ്പത്യ ബന്ധത്തിലെ തടസങ്ങള്‍ക്ക് പരിഹാരം കണ്ടെത്തും. സന്താനങ്ങളുടെ വിദ്യാഭ്യാസ സംബന്ധമായി അപ്രതീക്ഷിത പണച്ചിലവു വന്നുപെടാന്‍ ഇടയുണ്ട്. സ്വന്തം ജോലികള്‍ മറ്റുള്ളവരെ ഏല്‍പ്പിക്കുന്നത് ദോഷകരമായി ഭാവിക്കാന്‍ ഇടയുണ്ട്. സുഹൃത്ത് സഹായം പല കാര്യങ്ങളിലും ഗുണകരമാകും. ഉദരസംബന്ധമായ വ്യാധികൾ കരുതണം.  

 ദോഷപരിഹാരം: വിഷ്ണുവിന് പാല്പായസം, ഭാഗ്യ സൂക്തം.

Jupiter-Transit-2019

Click here for your Pooja


thulaam

 

ചിത്തിര 1/2, ചോതി, വിശാഖം 3/4

 

കാര്യസാധ്യം ഉണ്ടാകുമെങ്കിലും പലതിനും പ്രാരംഭ തടസങ്ങള്‍ നേരിടേണ്ടി വരും. അമിത ചിലവുകള്‍ മൂലം സാമ്പത്തിക വൈഷമ്യം വരാതെ നോക്കണം. ഏല്‍പ്പിച്ച ചുമതലകള്‍ ഭംഗിയായി നിര്‍വഹിക്കാന്‍ കഴിയുന്നതില്‍ ആത്മവിശ്വാസം തോന്നും. ആരോഗ്യത്തെ കരുതി ജിവിത ചര്യകളില്‍ ഗുണകരമായ പരിവര്‍ത്തനങ്ങള്‍ വരുത്തുവാന്‍ തീരുമാനിക്കും. വാരാന്ത്യത്തില്‍ സാമ്പത്തിക ലാഭം പ്രതീക്ഷിക്കാം.

 ദോഷപരിഹാരം: ശാസ്താവിന് നീരാഞ്ജനം, ഗണപതിക്ക് മോദക നിവേദ്യം.

vrishchikam

 

വിശാഖം1/4, അനിഴം, തൃക്കേട്ട 

വിഷമമേറിയ ജോലികള്‍ പോലും അനായാസം പൂര്‍ത്തിയാക്കാന്‍ കഴിയും. അധികാരികളുടെ പ്രശംസയ്ക്ക് പാത്രമാകും. വിദ്യാര്‍ത്ഥികള്‍ക്ക് മത്സര പരീക്ഷകളില്‍ ഉന്നത വിജയം സ്വന്തമാക്കാന്‍ കഴിയും. കാര്യ സാധ്യത്തിനായി പതിവില്ലാത്ത മാര്‍ഗ്ഗങ്ങള്‍ അവലംബിക്കുവാന്‍ നിര്‍ബന്ധിതനാകും. പല ആഗ്രഹങ്ങളും സാധിപ്പിക്കുവാന്‍ കഴിയുന്ന വാരമാണ്. എന്നാൽ ആരോഗ്യപരമായി സമയം അത്ര നന്നല്ല.  യാത്രാ വൈഷമ്യത്തിനു സാധ്യതയുള്ളതിനാല്‍ ജാഗ്രത പുലര്‍ത്തുക.

ദോഷപരിഹാരം: ശാസ്താവിനു നെയ്‌അഭിഷേകം, നാഗങ്ങൾക്ക് നൂറും പാലും

dhanu

 

മൂലം,പൂരാടം,ഉത്രാടം 1/4

 

കാര്യങ്ങള്‍ എല്ലാം അനുകൂലമാകുമെങ്കിലും അനാവശ്യ കാര്യങ്ങളെ പറ്റി ചിന്തിച്ച് മന സ്വസ്ഥത കുറഞ്ഞെന്നു വരാം. സമയക്കുറവിനാല്‍ പല ഉത്തരവാദിത്വങ്ങളില്‍ നിന്നും ഒഴിഞ്ഞുമാറും. തൊഴില്‍ രംഗത്ത് കഠിനപ്രയത്നം വേണ്ടിവരും. യാത്രകള്‍ മൂലം പലപ്പോഴും ഉദ്ദേശിച്ച പ്രയോജനം ലഭിക്കണമെന്നില്ല. ബന്ധു ജനങ്ങളുടെ വിയോഗം മൂലം വൈഷമ്യം വരാന്‍ ഇടയുണ്ട്. പഴയ സുഹൃത്തുക്കളെ കണ്ടുമുട്ടുന്നത് മനസ്സിന് ആശ്വാസകരമായ നിമിഷങ്ങള്‍ സമ്മാനിക്കും.

ദോഷപരിഹാരം: സുബ്രഹ്മണ്യന് പാൽ അഭിഷേകം, ശാസ്താവിന് എള്ള് പായസം.


Click here for your Pooja…

 


makaram-1

 

ഉത്രാടം3/4, തിരുവോണം, അവിട്ടം 1/2

 

തൊഴിലിലും ബിസിനസിലും മറ്റും പുരോഗതി ദൃശ്യമാകുന്ന കാലമാണ്. വ്യവസ്ഥകള്‍ക്ക് വിധേയമായി പ്രവര്‍ത്തിക്കാന്‍ കഴിയുന്നതിനാല്‍ അധികാരികളുടെ പ്രീതിക്ക് പാത്രമാകും. സുഹൃത്ത് ജനങ്ങളോടൊപ്പം യാത്രകള്‍ക്ക് അവസരം ലഭിക്കും. സന്താനങ്ങളുടെ പെരുമാറ്റം മൂലം മനക്ലേശം ഉണ്ടാകാന്‍ ഇടയുണ്ട്. ദാമ്പത്യ കാര്യങ്ങളില്‍ സന്തോഷവും സമാധാനപ്രദവുമായ അന്തരീക്ഷം നിലനില്‍ക്കും. സാമ്പത്തിക ഉത്തരവാദിത്വങ്ങള്‍ നിറവേറ്റുമ്പോള്‍ കൂടുതല്‍ ജാഗ്രത പുലര്‍ത്തണം.  

ദോഷപരിഹാരം: ദേവിക്ക് വിളക്കും മാലയും, നാഗങ്ങള്‍ക്ക് നൂറും പാലും.


kumbham

 

അവിട്ടം 1/2, ചതയം, പൂരൂരുട്ടാതി 3/4

 

പൊതുവില്‍ ഗുണകരമായ അനുഭവങ്ങള്‍ വരാവുന്ന വാരമാണ്. കുടുംബത്തില്‍ സ്വസ്ഥതയും സമാധാനവും നിലനില്‍ക്കും. തര്‍ക്കങ്ങള്‍, വിവാദങ്ങള്‍ എന്നിവ പരിഹരിക്കപ്പെടും. പൊതു സ്ഥാപനങ്ങളുടെ നേതൃ നിരയില്‍ എത്തി ചേരുവാന്‍ കഴിയും. എന്നാല്‍ തൊഴില്‍ രംഗത്ത് അറിയ്യാത്ത കാര്യങ്ങള്‍ക്കു പോലും സമാധാനം പറയേണ്ട സാഹചര്യം ഉണ്ടായെന്നു വരാം. എല്ലാം ഒറ്റയ്ക്കു തന്നെ ചെയ്തു കളയാം എന്ന ചിന്ത ഗുണകരമാകില്ല. സഹപ്രവര്‍ത്തകരെ കൂടെ വിശ്വാസത്തില്‍ എടുത്ത് പ്രവര്‍ത്തിച്ചാല്‍ വിജയാനുഭവങ്ങള്‍ ഉണ്ടാകും. ദീർഘ കാല തടസ്സങ്ങൾക്ക് പരിഹാരം തെളിയുന്ന വാരമായിരിക്കും. 

ദോഷപരിഹാരം : ശിവന് ധാര , മഹാ വിഷ്ണുവിന് ഭാഗ്യ സൂക്തം.


meenam

 

പൂരൂരുട്ടാതി 1/4, ഉതൃട്ടാതി, രേവതി

 

പ്രാര്‍ഥനകള്‍ക്കും പൂജകള്‍ക്കും ഫലപ്രാപ്തി ഉണ്ടാകും. മനസ്സിന് സന്തോഷം നല്‍കുന്ന വാര്‍ത്തകള്‍ കേള്‍ക്കാന്‍ അവസരം ലഭിക്കും. പിണക്കത്തിലായിരുന്ന ബന്ധുജനങ്ങള്‍ അഭിപ്രായ വ്യത്യാസം മറന്ന് അടുത്തുവരും.എന്നാല്‍ ആരോഗ്യ ക്ലേശങ്ങള്‍ക്ക് സാധ്യതയുള്ള വാരമാകയാല്‍ കരുതല്‍ പുലര്‍ത്തണം. യാത്രാ ദുരിതത്തിന്  സാധ്യത കാണുന്നു. അനാവശ്യ ചിന്തകള്‍ മൂലം ഭയാശങ്കകള്‍ വര്‍ധിക്കാന്‍ ഇടയുണ്ട്. ഈശ്വര ചിന്തയും ആത്മ വിശ്വാസവും കൈക്കൊണ്ട് ചെയ്യുന്ന കാര്യങ്ങള്‍ വിജയത്തില്‍ എത്തുന്നതാണ്. 

ദോഷപരിഹാരം: സുബ്രഹ്മണ്യന് കുമാരസൂക്തം, ശാസ്താവിന് നീരാഞ്ജനം, നെയ്‌ അഭിഷേകം.



തടസ്സ നിവാരണത്തിനും ആഗ്രഹ സാധ്യത്തിനും ഗണപതി ഭഗവാന് വിശേഷാല്‍ നാരങ്ങാമാല വഴിപാട്

പതിനെട്ടു നാരങ്ങ കോര്‍ത്ത മാല ഗണപതി ഭഗവാന് തുടര്‍ച്ചയായി മൂന്നു ദിവസങ്ങളില്‍ ചാര്‍ത്തുകയും മൂന്നാം ദിവസം വഴിപാടു കാരന്‍റെ പേരും നാളും ചൊല്ലി വിഘ്നഹര സ്തോത്രം കൊണ്ട് പുഷ്പാഞ്ജലി കഴിക്കുകയും ചെയ്യുന്നതാണ് ഈ വിശേഷാല്‍ വഴിപാട്. എന്ത് ആഗ്രഹം മനസ്സില്‍ സ്മരിച്ചു കൊണ്ടാണോ ഭക്തിപൂര്‍വ്വം ഈ വഴിപാട് നടത്തുന്നത്, ആ ആഗ്രഹ സാധ്യത്തിനു പ്രതിബന്ധമാകുന്ന തടസ്സങ്ങളെ ഗണപതി ഭഗവാന്‍ ഇല്ലാതാക്കുമെന്നാണ് ഭക്തജന വിശ്വാസം.

ജന്മ നക്ഷത്ര ദിവസം(പക്കപ്പിറന്നാള്‍) പുഷ്പാഞ്ജലി വരത്തക്ക വിധത്തില്‍ വഴിപാടു നടത്തുന്നത് അതി വിശേഷമായി കരുതപ്പെടുന്നു. പ്രധാന കാര്യങ്ങളുടെ വിജയത്തിനായും സംരംഭങ്ങള്‍ മുതലായവയുടെ ശുഭാരംഭത്തിനായും ആ പ്രത്യേക ദിനത്തില്‍ വഴിപാട് പൂര്‍ത്തിയാകുന്ന വണ്ണം അനുഷ്ഠിക്കുന്നതും വിശേഷമാണ്.
വഴിപാട് ആവശ്യമുള്ളവര്‍ക്ക് ഈ ലിങ്ക് ഉപയോഗിക്കാം.
http://imojo.in/3edval

lemon mala

Click here for your Pooja


 

Online_services

Click Here