ഭൈരവ മന്ത്രം അഥവാ ധന ആകർഷണ ഭൈരവ മന്ത്രം സാമ്പത്തികമായി ബുദ്ധിമുട്ടുകൾ അനുഭവിക്കുന്നവർക്ക് ഏറ്റവും പ്രയോജനകരമായ മന്ത്രമാണ്. ലോട്ടറിഭാഗ്യക്കുറിയടിക്കാനോ മറ്റ് കുറുക്കു വഴികളിലൂടെ ധനവാനാകാനോ ഉള്ള പദ്ധതിയല്ലിത്. നിങ്ങളുടെ തൊഴിലിൽ ഉയർച്ചയുണ്ടായി സ്വാഭാവികമായി തടസ്സങ്ങളില്ലാതെ ലക്ഷ്യങ്ങൾ കീഴടക്കാൻ വിശ്വാസിയായ ആർക്കും ഇത് പരീക്ഷിക്കാം. ഭക്തരക്ഷകനായ ഭൈരവന്‍ ഭക്തരെ സകല ആപത്തില്‍ നിന്നും രക്ഷിക്കും. മൂന്നു ലോകങ്ങള്‍ക്കും സര്‍വ്വേശ്വരനും ധനത്തി ന്‍റെ അധിപതിയുമാണ് സുവര്‍ണ്ണ ഭൈരവന്‍. തന്‍റെ ഭക്തരില്‍ മാത്രമേ സുവര്‍ണ്ണഭൈരവന്‍ കനിയൂ എന്നും പറയപ്പെടുന്നു . ദാരിദ്ര്യം, മൂധേവി, ദുഷ്ടശക്തികള്‍ എന്നിവയെ അടിച്ചോടിച്ച് സുവര്‍ണ്ണഭൈരവന്‍ സമ്പത്ത് നല്‍കുന്നു. സ്വര്‍ണ്ണ നിര്‍മ്മിത കവചം, പാശം, ത്രിശൂലം എന്നിവ നാല് ത്രിക്കൈകളിലുമായി…