ഭഗവാൻ മഹാവിഷ്ണുവിന്റെ 16 നാമങ്ങൾ അടങ്ങിയ ശ്രീവിഷ്ണു ഷോഡശനാമ സ്തോത്രം നിത്യവും പ്രഭാതത്തിൽ ജപിക്കുന്നത് സർവ ഫലസിദ്ധിക്കും ദേഹരക്ഷയ്ക്കും അപകടങ്ങളിൽ നിന്നും ദോഷങ്ങളിൽ നിന്നും വിമുക്തി നേടുന്നതിനും സഹായകരമാണ്. ചിന്തയും അറിവും തിളക്കമുള്ളതാകുവാനും ആത്മവിശ്വാസം വര്ധിക്കുവാനും ഉത്തമമായ ഈ സ്തോത്രം നിത്യ പ്രഭാത ജപത്തിന് അതീവ യോജ്യമാണ്. എന്നും ജപിക്കാൻ കഴിയാത്തവർ വ്യാഴാഴ്ചകളിൽ വ്രതം അനുഷ്‌ഠിച്ചു ഒൻപതു തവണയോ 36 തവണയോ 108 തവണയോ ജപിക്കുന്നതും ഫലദായകം തന്നെ.
ശ്രീവിഷ്ണു ഷോഡശനാമ സ്തോത്രം
ഔഷധേ ചിന്തയേ വിഷ്ണും ഭോജനേ ച ജനാർദ്ദനം
ശയനേ പത്മനാഭം ച വിവാഹേ ച പ്രജാപതിം ॥ 1॥
യുദ്ധേ ചക്രധരം ദേവം പ്രവാസേ ച ത്രിവിക്രമം
നാരായണം തനു ത്യാഗേ ശ്രീധരം പ്രിയ സംഗമേ ॥ 2॥
ദു:സ്വപ്നേ സ്മര ഗോവിന്ദം സങ്കടേ മധുസൂദനം
കാനനേ നാരസിംഹശ്ച പാവകേ ജലശായിനം ॥ 3॥
ജലമദ്ധ്യേ വരാഹശ്ച പർവ്വതേ രഘുനന്ദനം
ഗമനേ വാമനശ്ചൈവ സർവ്വകാര്യേഷു മാധവം ॥ 4॥
ഫലശ്രുതി :
ഷോഡശൈതാനി നാമാനി പ്രാതരുത്ഥായ യ: പഠേൽ
സർവ്വപാപ വിനിർമുക്തോ വിഷ്ണുലോകേ മഹീയതേ !
। ഇതി ശ്രീ വിഷ്ണു ഷോഡശനാമസ്തോത്രം സമ്പൂര്‍ണം ।
അർത്ഥം
ഔഷധം സേവിക്കുമ്പോൾ വിഷ്ണുവിനേയും ഊണുകഴിക്കുമ്പോൾ ജനാർദ്ദനനേയുംകിടക്കുമ്പോൾ പത്മനാഭനേയും വിവാഹം കഴിക്കുമ്പോൾ പ്രജാപതിയേയും യുദ്ധത്തിൽ ചക്രപാണിയേയും വിദേശത്ത് പോകുന്നവർ ത്രിവിക്രമനേയും മരണകാലത്ത് നാരായണനേയും സ്നേഹിതന്മാരെ കാണാൻ പോകുമ്പോൾ ശ്രീധരനേയുംദു:സ്വപ്നത്തിൽ ഗോവിന്ദനേയും സങ്കടങ്ങൾ വരുമ്പോൾ മധുസൂദനനേയും കാട്ടിൽ നരസിംഹത്തേയും അഗ്നിഭയമുണ്ടായാൽ ജലശായിയായ വിഷ്ണുവിനേയും വെള്ളത്തിൽ വരാഹമൂർത്തിയേയും പർവ്വതത്തിൽ ശ്രീരാമനേയും ഗമന സമയത്ത് വാമനനേയും എല്ലാ കാര്യത്തിലും മാധവനേയും ധ്യാനിച്ചു കൊള്ളണം.
