മേടം(അശ്വതി,ഭരണി, കാര്‍ത്തിക1/4)
തൊഴില്‍ രംഗത്ത് നൂതനമായ ആശയങ്ങള്‍ പരീക്ഷിക്കുവാന്‍ കഴിയും. ഭൂമി സംബന്ധമായ വിഷയങ്ങളിലെ പ്രതികൂലാവസ്ഥകള്‍ മാറും. ആരോഗ്യപരമായി ക്ലേശങ്ങള്‍ വരാവുന്ന വാരമാകയാല്‍ അത്യധികം കരുതല്‍ പുലര്‍ത്തണം. അധ്വാന ഭാരം വര്‍ധിക്കുന്നതിനാല്‍ പലപ്പോഴും ജോലികള്‍ പൂര്‍ത്തിയാക്കാന്‍ കഴിയാതെ വരും. സാമ്പത്തികമായി മെച്ചപ്പെട്ട അനുഭവങ്ങൾ പ്രതീക്ഷിക്കാം. ബുധൻ, വ്യാഴം ദിവസങ്ങൾക്ക് മേന്മ കുറയും.
ദോഷപരിഹാരം- ശാസ്താവിന് നീരാഞ്ജനം, സുബ്രഹ്മണ്യന് പഞ്ചാമൃതം.
ഇടവം(കാര്‍ത്തിക3/4, രോഹിണി,മകയിരം 1/2)
സര്‍ക്കാര്‍ കോടതി കാര്യങ്ങള്‍ പ്രതികൂലമാകാന്‍ ഇടയുണ്ട്. വരവും ചിലവും തുല്യമാകുന്നതിനാല്‍ നീക്കി ബാക്കി കുറയും. ഉന്നത വ്യക്തികളുമായി സഹവസിക്കാന്‍ ഇടവരും. കുടുംബ സമേതം യാത്രകളും മറ്റും ചെയ്യുവാന്‍ അവസരം ഉണ്ടാകും. ഉദര സംബന്ധമായ വ്യാധികളെ കരുതണം. കടബാധ്യതകൾ കുറെയൊക്കെ കുറയ്ക്കാൻ കഴിയുന്നത് ആശ്വാസമാകും. തൊഴിൽ വൈഷമ്യങ്ങൾക്ക് പരിഹറാം കണ്ടെത്തും.
ദോഷപരിഹാരം- മഹാവിഷ്ണുവിന് പാല്പായസം, നാഗങ്ങൾക്ക് പാൽ , മഞ്ഞൾ സമർപ്പണം.
മിഥുനം(മകയിരം 1/2,തിരുവാതിര,പുണര്‍തം 3/4)
കുടുംബ അന്തരീക്ഷം സന്തോഷകരമാകും. ഗൃഹ നിര്‍മാണ കാര്യങ്ങളില്‍ അനുകൂലമായ അന്തരീക്ഷം ഉണ്ടാകും. അര്‍ഹരായവരെ സഹായിക്കുന്നതില്‍ മന സംതൃപ്തി തോന്നും. ഭാഗ്യാനുഭവങ്ങള്‍ക്ക് സാധ്യതയുണ്ട്. ഇഷ്ട ദേവാലയ ദര്‍ശനം സാധ്യമാകും.തടസ്സങ്ങൾ വന്നാലും അവയെ ഫലപ്രദമായി മറികടക്കാൻ കഴിയും. തൊഴിൽ മാന്ദ്യത്തിന് അല്പം ആശ്വാസം പ്രതീക്ഷിക്കാം. ആരോഗ്യം തൃപ്തികരമായിരിക്കും.
ദോഷപരിഹാരം- മഹാവിഷ്ണുവിന് നെയ് വിളക്കും ഭാഗ്യസൂക്ത പുഷ്പാഞ്ജലിലും. ശാസ്താവിന് നെയ് അഭിഷേകം
കര്‍ക്കിടകം(പുണര്‍തം 1/4, പൂയം,ആയില്യം)
വാഹന ലാഭത്തിന് സാധ്യതയുള്ള വാരമാണ്. കലാകാരന്മാര്‍ക്ക് അവസരങ്ങളും അംഗീകാരവും വര്‍ധിക്കും. വളരെക്കാലമായി തടസപ്പെട്ടിരുന്ന പല കാര്യങ്ങളും സാധിപ്പിക്കുവാന്‍ കഴിയും. സഹ പ്രവര്‍ത്തകരുമായി അനിഷ്ടകരമായ പെരുമാറ്റം വേണ്ടി വരും. പാരമ്പര്യ സ്വത്തുകളില്‍ നിന്നും ആനുകൂല്യങ്ങള്‍ ലഭിക്കും. വലിയ പ്രതിസന്ധികൾക്കൊന്നും സാധ്യതയില്ലാത്ത വാരമാണ്. വരുമാനത്തിൽ ചെറിയ വർധനവും പ്രതീക്ഷിക്കാം.
ദോഷപരിഹാരം – ശിവന് കൂവളത്തില കൊണ്ട് മൃത്യുഞ്ജയ പുഷ്പാഞ്ജലി, ശാസ്താവിന് എള്ള് പായസം.
നിങ്ങളുടെ ഭാഗ്യരത്നം ഏതാണ്.? ശാസ്ത്രീയമായി നിർണ്ണയിക്കാം….
ചിങ്ങം(മകം, പൂരം,ഉത്രം 1/4)
വൈദ്യ നിര്‍ദേശത്താല്‍ ജീവിതചര്യകളില്‍ മാറ്റങ്ങള്‍ വരുത്താന്‍ നിര്‍ബന്ധിതമാകും. അപേക്ഷകളിന്‍മേല്‍ അനുകൂല തീരുമാനങ്ങള്‍ ഉണ്ടാകും. മത്സരങ്ങളില്‍ വിജയം പ്രതീക്ഷിക്കാം. ദാമ്പത്യ ബന്ധം ഊഷ്മളമാകും. വിദേശ യാത്രക്ക് തയാറെടുക്കുന്ന വര്‍ക്ക് അതിനുള്ള തടസങ്ങള്‍ മാറിക്കിട്ടും. ആഴ്ചയുടെ അവസാന ദിനങ്ങളിൽ കൂടുതൽ മെച്ചമായ അനുഭവങ്ങൾ പ്രതീക്ഷിക്കാം.
ദോഷപരിഹാരം – സുബ്രഹ്മണ്യന് പാൽ അഭിഷേകം, മഹാവിഷ്ണുവിന് നാരായണസൂക്ത പുഷ്പാഞ്ജലി.
കന്നി(ഉത്രം 3/4, അത്തം, ചിത്തിര1/2)
കര്‍മ രംഗത്ത് അംഗീകാരവും അഭിനന്ദനവും ലഭിക്കും. സാമ്പത്തിക കാര്യങ്ങളില്‍ നിയന്ത്രണങ്ങള്‍ ഏര്‍പ്പെടുത്തേണ്ടി വരും. സംസാരം തെറ്റിദ്ധരിക്കപ്പെടാന്‍ ഇടയുള്ള തിനാല്‍ ആശയവിനിമയത്തില്‍ ജാഗ്രത പുലര്‍ത്തണം. മംഗള കര്‍മങ്ങളില്‍ സംബന്ധി ക്കുവാന്‍ ഇടവരും. വ്യാപാര രംഗം അഭിവൃദ്ധമാകും. ആരോഗ്യകാര്യങ്ങളിൽ കൂടുതൽ കരുതൽ പുലർത്തണം.
ദോഷപരിഹാരം – നാഗങ്ങൾക്ക് പൽ അഭിഷേകം, ഭഗവതിക്ക് വിളക്കും മാലയും.
തുലാം(ചിത്തിര 1/2,ചോതി, വിശാഖം3/4)
അവിവാഹിതര്‍ക്ക് അനുകൂല വിവാഹ ബന്ധങ്ങള്‍ ശരിയായി വരാവുന്ന വാരമാണ്. പല ആഗ്രഹങ്ങളും ആയാസം കൂടാതെ സാധിക്കുവാന്‍ കഴിയും. മനസ്സില്‍ ഉദേശിക്കാത്ത കാര്യങ്ങള്‍ക്ക് സമാധാനം ബോധിപ്പിക്കേണ്ടി വരും. ചിലവു നിയന്ത്രിക്കാന്‍ ബുദ്ധിമുട്ടും. കുടുംബാന്തരീക്ഷം സ്വസ്ഥമാകും. തൊഴിൽ നേട്ടങ്ങൾ വർധിക്കും.അധികാരികളിൽ നിന്നും അനുകൂല സമീപനം പ്രതീക്ഷിക്കാം.
ദോഷപരിഹാരം- ശാസ്താവിന് നീരാഞ്ജനം, ഗണപതിക്ക് മോദക നിവേദ്യവും കറുകമാലയും.
വൃശ്ചികം(വിശാഖം1/4, അനിഴം,തൃക്കേട്ട)
വായ്പകള്‍, നിക്ഷേപങ്ങള്‍ മുതലായവ അനുവദിച്ച് കിട്ടും. മനസ്സ് അകാരണമായി വ്യാകുലപ്പെടും. അര്‍ഹിക്കുന്ന അംഗീകാരം ലഭിക്കാത്തതില്‍ നിരാശ തോന്നും. പ്രായോഗികമായ ഇടപെടലുകള്‍ കൊണ്ട് പല പ്രശ്നങ്ങള്‍ക്കും പരിഹാരം കാണും. കുടുംബത്തില്‍ മംഗള കര്‍മങ്ങള്‍ക്ക് സാധ്യത. പുതിയ വരുമാന മാർഗങ്ങൾ കണ്ടെത്താൻ കഴിയും. ആഴ്ചയുടെ അവസാന മൂന്നു ദിനങ്ങൾ വളരെ അനുകൂലമായിരിക്കും.
ദോഷപരിഹാരം- മഹാവിഷ്ണുവിന് നെയ് വിളക്ക്, തുളസിമാല, ശിവന് കൂവളമാലയും ധാരയും.
ധനു(മൂലം, പൂരാടം,ഉത്രാടം 1/4)
സാമ്പത്തിക കാര്യങ്ങളില്‍ ജാഗ്രത പുലര്‍ത്താതിരുന്നാല്‍ ധന നഷ്ടത്തിന് സാധ്യത യുണ്ട്. സന്താനങ്ങളുടെ നേട്ടങ്ങളില്‍ അഭിമാനിക്കാന്‍ ഇടവരും. ദാമ്പത്യ ബന്ധങ്ങളില്‍ വിള്ളലുകള്‍ വരാതെ നോക്കണം. ഗൃഹത്തിനോ വാഹനത്തിനോ അറ്റ കുറ്റ പണികള്‍ വേണ്ടി വരും. ശ്രദ്ധയോടെയല്ലാത്ത സംസാരം മൂലം വൈഷമ്യം നേരിടേണ്ടി വന്നേക്കാം. ശനിയും വ്യാഴവും അനുകൂലമല്ലാത്തതിനാൽ പുതിയ സംരംഭങ്ങൾക്ക് സമയം യോജിച്ചതല്ല.
ദോഷപരിഹാരം- ശാസ്താവിന് ശാസ്തൃസൂക്ത പുഷ്പാഞ്ജലി, ദേവിക്ക് കുങ്കുമാർച്ചന.
മകരം(ഉത്രാടം 3/4,തിരുവോണം,അവിട്ടം 1/2)
ഉല്ലാസകരമായി സമയം ചിലവഴിക്കാന്‍ അവസരം ഉണ്ടാകും. ബന്ധുക്കള്‍ സുഹൃത്തുക്കള്‍ എന്നിവരുമായി കലഹം വരാതെ നോക്കണം. മുതിര്‍ന്നവരുടെ ഉപദേശം പല കാര്യങ്ങളിലും ഗുണകരമായി ഭവിക്കും. വേണ്ടത്ര ആലോചനയില്ലാത്ത പ്രവര്‍ത്തികള്‍ മൂലം വൈഷമ്യങ്ങള്‍ വരാന്‍ ഇടയുണ്ട്. ആഴ്ചതുടക്കത്തിൽ കാര്യവൈഷമ്യം വന്നാലും ഈ വാരത്തിൽ തന്നെ അവ സാധിപ്പിക്കുവാൻ കഴിയും. വരുമാനം തൃപ്തികരം.
ദോഷപരിഹാരം- ശിവന് ജലധാരയും പിൻവിളക്കും,ശാസ്താവിന് എള്ള് പായസം.
കുംഭം(അവിട്ടം 1/2,ചതയം,പൂരൂരുട്ടാതി 3/4)
തിങ്കൾ, ചൊവ്വ ദിവസങ്ങൾ അനുകൂലമല്ലെങ്കിലും തുടർ ദിനങ്ങളിൽ കര്‍മ പുരോഗതിയുണ്ടാകും. ഗൃഹ നിര്‍മാണ പ്രവര്‍ത്തനങ്ങള്‍ പൂര്‍ത്തിയാക്കാന്‍ കഴിയും. തൊഴില്‍ അന്വേഷകര്‍ക്ക് പുതിയ തൊഴില്‍ നിയമനം ലഭിക്കാന്‍ സാധ്യത യുണ്ട്. പല പ്രതിബന്ധങ്ങളെയും ഈശ്വര കാരുണ്യത്താല്‍ തരണം ചെയ്യുവാന്‍ കഴിയും. ദാമ്പത്യ ക്ലേശം വരാതെ നോക്കണം.
ദോഷപരിഹാരം- മഹാവിഷ്ണുവിന് ഭാഗ്യസൂക്ത പുഷ്പാഞ്ജലി, പാല്പായസം, ശാസ്താവിന് നീരാഞ്ജനം.
മീനം (പൂരൂരുട്ടാതി1/4, ഉത്രട്ടാതി,രേവതി)
വിദ്യാര്‍ത്ഥികള്‍ക്ക് ഉപരിപഠന സംബന്ധമായി വൈഷമ്യങ്ങള്‍ നേരിടാന്‍ ഇടയുണ്ട്. ആത്മീയ കാര്യങ്ങളില്‍ താല്പര്യം വര്‍ധിക്കും. വാഹനം ഉപയോഗിക്കുന്നത് അതീവ ശ്രദ്ധയോടെയാകണം. കഠിനമായ പല ജോലികളും ആയാസം കൂടാതെ പൂര്‍ത്തീകരി ക്കുവാന്‍ കഴിയും. പ്രയോജനകരമായ കാരാറുകളില്‍ ഏര്‍പ്പെടാന്‍ അവസരം ലഭിക്കും. ശാരീരിക വൈഷമ്യത്തിന് സാധ്യത കൂടിയ വാരമായതിനാൽ കരുതൽ പുലർത്തണം.
ദോഷപരിഹാരം- ശിവന് രുദ്രാഭിഷേകം, ഭഗവതിക്ക് കഠിനപ്പായസം.
